Desidido nga magpasaka sang kaso ang ginakabig nga “most handsome man” sang China nga si Dingzhen Zhenzhu bangud sa pagpakamalaut nga wala siya sang talent magluwas lamang sa maambong nga itsura.
Nangin viral sensation sa China sang 2020 ang 21 años nga si Dingzhen bangud sa iya nga rugged good looks.
Apang ginkabig nga sensational ang pagsikat ni Dingzhen bangud ginahimu na nga reference ang iya pangalan bilang guwapo nga wala naman sang talento.
Magluwas diri, ginahimu man nga pang-insulto ang iya pangalan sang mga social-media users.
Ini ang rason nga napikon si Dingzhen kag handa nga kasuhan ang mga nag-comment sa social media nga “guwapo lang” siya.
Nagpagwa na ang agent ni Dingzhen sang sulat gikan sa iya abogado nga nagapaandam sa publiko batuk sa mga defamatory comments nga makabig, bulgar kag maka-ilinsulto.
