-- ADVERTISEMENT --
Ginkumpirma sang Philippine Coast Guard (PCG) nga ang ‘monster ship’ sang China nga una nakit-an sa malapit sa Zambales, ang nagsaylo na sang lokasyon sa Lubang, Occidental Mindoro.
Suno kay PCG Spokesperson for West Philippine Sea (WPS) Commodore Jay Tarriela, Lunes sang aga sang nasiplatan sa nasambit nga lugar ang China Coast Guard (CCG) vessel 5901, nga ginakabig bilang ‘monster ship.’
Ginklaro man ni Terriela nga wala man sang gina-harass nga mangingisda nga Pinoy sa lugar ang nasambit nga barko.
Una na nga nakit-an ang ‘monster ship’ 54 nautical miles ang kalayuon halin sa Capones Island, sa Zambales sadtong Domingo, nga sakop sang exclusive economic zone (EEZ) sang Pilipinas.
