KORONADAL CITY– Nagtuga sang malapnagon nga panic buying ang pagpanalasa sang Monster Cyclone Fani sa pungsod India.
Base sa ginpalab-ot nga mensahe ni Bombo International Correspondent Sandeep Yama sang West Medinipur, mas nangin malapnagon ang panic buying sa mga lugar nga paga-agyan sang mabaskog nga bagyo kun sa diin nakabatyag man sila sang brown out kag mas mahinay nga internet connection.
Dugang pa sini nga pila sa ila mga himata nga nagaistar sa bahin sang Odisha coast nga isa sa mga pinakaapektado sang bagyo ang indi man nila malab-ot bangud sa pabudlayanay nga komunikasyon sa nasambit nga lugar.
Nagalab-ot naman sa 200 ka byahe sang tren ang kanselado mangin ang mga flights makaligad mag shutdown ang pila ka airports kasubong sang Bhubaneswar at Kolkata airport nga posible magdugay pa sa sabado sang gab-i.
Nahibaluan nga pinakaapektado ang West Bengal kun sa diin ginbutang naman sa high alert ang rescue kag relief agencies sa Odisha para sa humanitarian assistance.
