KORONADAL CITY-Nagpabilin nga normal ang nangin biyahe sang mga pampasahero nga salakyan sa buog-os nga Rehiyon 12 subong nga adlaw kadungan sang kanselasyon sang klase kag opisina sa bug-os nga pungsod bangud sa 2-day transport strike sang Pinagkaisahang Samahan ng mga Tsuper at Operator Nationwide (PISTON).
Sa interbyu sang Bombo Radyo Koronadal sa Private Sector Representative sang Regional Development Council 12 kag tagpamaba sang Transport Group sa Rehiyon 12 Nestor Lumawig,ginpahayag sini nga ginakabig nila nga isa ka welcome move ang plano sang gobyerno nga Public Utility Vehicle Modernization program rason nga wala sang rason nga mag intra suno pa ang mga transport group sa lugar sa ginapatigayon nga transport strike.
Magluwas diri ginpahayag ni Lumawig nga sa subong naumpisahan naman sa rehiyon 12 ang modernization program kag naka comply na sa modernization program kag dyutay na lamang ang daan nga mga salakyan.
Samtang suportado suno pa nila ang nasambit nga plano sang gobyerno bangud nakit-an nila nga magahatag ini sang mas dako nga tyansa nga makaganar apisar ang dyutay nga transport group ilabi na bangud may mga interventions kag financial assistance suno pa ang gobyerno.
Nagalaum naman ang transport group sa Rehiyon 12 nga ang modernization program ang magahatag sang mas manami nga oportunidad para sa ila.
