Kumpirmado nga isa sa mga napatay sa duha ka magkasunod nga linog nga nagluntad sa Venezuela ang model kag beauty queen nga si Skarlent Rodríguez.
Si Rodríguez, nga isa ka Venezuelan nga naka-base sa Estados Unidos, amo ang nagtiglawas sang Orlando sa Miss Grand Florida 2025.
Sa opisyal nga pahayag sang Miss Grand International, ginpabutyag sang organisasyon ang ila tuman nga kasubo sa nagluntad nga trahedya.
Suno sa organisasyon, nagapakig-unong sila sa pamilya kag mga hinigugma ni Rodríguez, samtang ginapangamuyo man nila ang kusog, paglipay sang tagipusuon, kag paghiusa sang katawhan sang Venezuela sa tunga sang mabudlay nga kahimtangan tuga sang pagtay-og.
Padayon naman ang pagmonitor sang mga otoridad sa kahimtangan sa Venezuela samtang nagapadayon ang assessment sa danyos kag bilang sang mga biktima sang nagkasunod nga mga linog.
