KORONADAL CITY– Nagdipensa ang bahin sang Moro National Liberation Front o MNLF kaangot sa nangin pahayag ni MNLF chair Nur Misuari nga makaangkon sang gyera kun indi magmadinalag-on ang ginaduso nga Pederalismo.
Sa interbyu sang Bombo Radyo Koronadal kay MNLF spokesman Atty. Emmanuel Fontanilla, indi suno pa pagpanghadlok ang ginahimo sang MNLF agud maaprubahan ang Pederalismo kag sa baylo ini ang magaluntad kun indi makaangkon sang indepensiya sa pungsod.
Dugang pa sini nga duha lang ang option sang MNLF sa pag-angkon sang independensiya kag ini amuh ang Peaceful Process kag Armed Struggle kun sa diin nagakadapat suno pa nga indi mangin bungol ang mga yara sa gobyerno kag maghulag na agud mapaathag ang manami nga matuga sang Pederalismo.
Pahayag pa sini nga indi kun tani husgaran ang nangin pahayag sang MNLF chair kag hangpon kun ano ang ginahalinan sang ginapakigbato na Pederalismo nga magahilway sa anino sang pagpangsakop kag pagpang abuso sadto kag magadala sang pag uswag.
Padulong na suno pa ang MNLF sa kalinong kag kun tani indi na pagbalabagan pa kag pabalikon sa gyera.
