KORONADAL CITY- Ginpakigbahin sa Bombo Radyo Koronadal ni Moro National liberation Front spokesman Atty. Emmanuel Fontanilla ang pila sa mga naistoryahan nanday Pres. Rodrigo Duterte kag MNLF chair Nur Misuari sa Palasyo sang Malacañang.
Sa interbyu sang Bombo Radyo Koronadal kay Atty. Fontanilla, ginpahayag sini nga kalakip sa mga naistoryahan sang chief executive kag MNLF chair amuh ang pagtutok sa ammendments kag probisyon sa konstitusyon kag pagpatuman sang ginaduso nga Pederalismo makaligad ang eleksyon sa Mayo.
Dugang pa sini nga ginpasiguro man sang pamunuan sang MNLF nga kun magahulag na ang pagtalakay sang Pederalismo, magaresume naman ang peace talk sa tunga sang MNLF kag gobyerno.
Ginpahayag man sini sa Bombo Radyo nga nagpalab-ot naman sang suporta ang Moro Islamic Liberation Front sa ginaduso nga Pederalismo sa ila nga grupo.
