KORONADAL CITY– Gin-awhag sang pamunuan sang ng Moro National Liberation Front o MNLF ang Duterte administration nga hatagan na subong sang atensyon, pabaskugon ang kampanya kag ipatuman na ang Pederalismo.
Suno kay Atty. Emmanuel Fontanilla, ang tagapamaba sang MNLF nga sa karun nagakadapat lamang nga hataggan na ni Pres. Rodrigo Duterte ang Pederalismo nga ginasuportahan sang MNLF sa pagpamuno ni Nur Misuari.
Dugang pa ni Atty. Fontanilla nagakadapat nga hatagan sang ligwa sang administrasyon ang hingyo nga Pederalismo kasubong sang paghatag sang importansya sa BOL.
Nagapati ang MNLF nga ang Pederalismo ang makahatag sang full autonomy sa pungsod kag makahatag sang patas nga pag sanyog sa kada rehiyon.
Nahibaluan nga una na nga ginpahayag sang Presidential Communications Operations Office nga nagapower nap pa ang kampanya sang administrasyon para sa Pederalismo ukon Charter Change agud makatipon pa sang dugang nga mga suprota kag mas mapabaskog pa ang pag edukar sa mga pumuluyo kaangot sa manami nga epekto sang Pederalismo sa pungsod.
