KORONADAL CITY– Nagakabala subong ang bana sang isa ka Pinay Domestic Helper sa Riyadh,Saudi Arabia matapos ang naeksperyensyahan sang misis sini sa nasambit nga pungsod.
Personal nga nagpangayo sang bulig sa waragwagan sang Bombo Radyo Koronadal si Toto Cagunda nga residente sang Kalawag I, Isulan Sultan Kudarat bangud sa sitwasyon sang asawa sini nga si Catalina Cagunda, 35 anyos bangud sa naeksperyensyahan sini nga mild stroke kag nagapakitluoy na nga magpuli sa Pilipinas bnagud indi na ini makasarang sa iya trabaho.
Suno sa mister,apisar ini ang naangkon sang iya misis pilit sa gihapon ini nga ginapaobra sang iya employer apisar nakit-an suno pa nga nabudlayan na ini nga maghulag.
Makapila ka beses naman suno pa sila nga nagpalapit sa agency sini nga Live Well Agency apang ginapalaum lamang sila nga papulion ini sa sulod sang 3 ka bulan apang tubtub subong wala sa gihapon sang natabo.
