KORONADAL CITY – Nagresulta sa pagpakamatay sang isa ka mister ang mainit nga pag-inaway nila sang iya nga misis sa banwa sang Banga South Cotabato.
Ginkilala ni Police Chief Inspector Verlin Pampolina, hepe sang Banga PNP ang naghikog nga si Buenaventura Siga, 46, residente sang Barangay Lambingi, sa nasambit nga banwa.
Sandig sa report, antes pa man naghikog si Buenaventura nag-away sila sang iya asawa nga si Rita Siga nga nagresulta sa pagpamuno sini sa kaugalingon nga asawa.
Nag-angkon sang pilas sa nagkalain-lain nga bahin sang iya lawas si Rita nga gilayon naman gindala sa South Cotabato Provincial Hospital.
Samtang, matapos nga bun-on ang iya asawa nagsaka ini sa lubi nga yara lamang sa kilid sang ila puluy-an kag naglumpat.
Gindala pa sa hospital si Buenaventura apang gindeklarar na nga dead on arrival sang doktor.
