KORONADAL CITY- “Ibalik ang akon nga Mister” ini ang panawagan sang isa ka Misis sa textmat nga nagdala sa iya nga bana..//Sa interbyu sang Bombo Radyo Koronadal kay Ginang Marcelina Sumbang, 47 anyos nga residente sangg Brgy. San Vicente Banga, South Cotabato nagpalapit ini sa waragwagan agud magpanawagan kag mapadasig ang pagpabalik sa mister nga nag-upod sa textmate.
Nahibaluan nga 3 ka semana na suno pa nga nadula ang iya mister nga si Marcelito Sumbang, 44 anyos isa ka Construction Worker.
Dugang pa sini nga tiuman ang iya kabalaka kag nagamasakit na kunsumisyon sang mahibaluan nga tigayon na nga nag-upod ang Mister sa Textmate sini nga taga Kidapawan City apang wala niya mahibaluan kun ano ang matuod nga pangalan.
Suno kay Gng. Sumbang madugay na ini nga may ideya nga may yara sang ka textmate ang mister bangud masami nga uyat ni Mister ang CP kag masami nga may yara sang nagapanawag nga babayi kun sa diin sang-una ginpanginwala pa ini sang iya mister kag ginasiling nga himata lang nila ang masami nga nagapanawag apang sa kadugayon nag-ako ini kag tigayon nga nadula.
Tuman naman ang kasubo ni Misis bangud wala man lang suno pa ginhuna-huna sang iya Mister ang ila kahimtangan nga tuman nga naga-antos mangin man ang isa nila ka bata nga lalaki.
Wala naman sang mapakita nga laragway sang iya mister si Misis bangud gindala na tanan ini sang Mister.
Dugang pa sini nga nagpangutang lamang ini sang P100 nga pamasage agud lamang ipalab-ot sa Bombo ang reklamo kag ang iya panawagan.
