CHINA – Ano ayhan kasakit batyagon kun mabal-an mo nga indi gali ikaw ang amay sang tatlo ninyo ka anak sang imo asawa sa sulod sang 16 ka tuig?
Nagapangayo subong sang disborsyo ang isa ka lalaki sa China matapos nadiskubrihan sini nga indi gali siya ang amay sang tatlo nila ka mga kabataan sa sulod sang 16 ka tuig.
Ginkilala ang lalaki nga si Chen, 46 sang Jiangxi province of Eastern China, kag ginkilala naman ang iya misis nga si Yu.
Santo sa report sang South China Morning Post, nahimo pa una nga napatawad sang lalaki ang iya asawa apang nagpalanglain ini matapos nahibaluan nga indi gali siya ang amay sang duha pagid nila ka anak.
Masami nga wala sa ila puluy-an si Chen bangud nagatrabaho ini sa malayo nga lugar apang wala sini gin-ekspektar nga nahimo ina sang iya nga misis.
Sa nagligad lang nga binulan, nagaduda na ang lalaki bangud wala na ginasabat sang iya misis ang iya mga tawag.
Bangud sa luyag sini nga bantayan ang iya misis, ginbutangan sini sang Global Positioning System (GPS) ang gadget sang babayi kag didto sini natukiban nga may ginatabo ini nga lalaki sa isa ka hotel.
Tuman lamang ang hilibion sang lakaki matapos natukiban ang tanan sa iya asawa apang ginpanindugan naman sang babayi nga wala sini ginluiban ang iya mister.
Kon ikaw ang lalaki, ano ang himuon mo?
