KORONADAL CITY – Padayon nga ginapangita subong sang mga otoridad ang isa ka mister matapos nga maluthang-patay ang kaugalingon nga misis sa Barangay Datal bob, T’boli, South Cotabato alas-8:30 kaina sang aga.
Sa interbyu sang Bombo Radyo Koronadal kay Police Major Bernie Faldas, chief of Police sang Tboli PNP, nagpalagyo ang suspek matapos ang pagpangluthang sa biktima.
Ginkilala ang biktima nga si Emma Cabel Segundo, 55 anyos kag residente sang nasambit nga lugar samtang ang suspek ang kaugalingon nga mister sini nga si Freddie Cail Segundo, 47 anyos kag isa ka mangunguma.
Suno kay Faldas, luyag suno pa sang mister nga iisol ang kaso nga ginpasaka sa iya sang isa sa mga bata sang biktima.
Wala suno pa nagpasugot si misis rason nga nakaangkon sang sabtanay ang duha tubtob natiruhan sini patay ang biktima.
Nahibaluan nga may ara sang 3 ka bata ang biktima sa una sini nga live in partner antes nga nagpakasal kay Freddie Segundo.
Naigo ang biktima sa lawas kag ulo nga gintunaan sang kamatayon sini.
Narekober naman sa crime scene ang 4 ka fired cartridge sang caliber .45 nga armas.
Indi pa man maathag kun ano nga kaso ang igapasaka sang misis sa suspek.
