KORONADAL CITY – Yara na sa kustodiya sang kapulisan ang isa ka mister makaligad nga ginpukpok sang martilyo ang kaugalingon nga asawa sa banwa sang Polomolok, South Cotabato.
Sa interbyu sang Bombo Radyo Koronadal kay P/Capt. Rommel Hitalia, deputy chief of police sang Polomolok PNP, ginkilala sini ang biktima nga si Alyas Rina, 37 anyos samtang ginkilala naman ang suspek nga si Ricky Penido, lunsay mga residente sang Brgy. Poblacion sang nasambit nga banwa.
Suno kay Hitalia nakaangkon suno pa sang makahang kag mainit nga pagbaisanay ang duha makaligad nagpangimon ang suspek sa mga nabasahan nga text message sa cellphone sang biktima.
Wala na sini napunggan ang emosyon, ginkuha ang martilyo kag ginlampos sa ulo sang biktima tubtob sa mapatay ini.
Dugang sang opisyal, makaligad suno pa nga ginhimo ang krimen, ginhana pa ni Penido nga maghikog pinaagi sa pagpabunggo sa salakyan apang wala ini natuman.
Nahibaloan nga antes ang insidente, ginadudahan na sang mister ang iya asawa nga may yara suno pa ini sang iban.
Ginpahayag ni Hitalia nga wala nagbato ang suspek sang ila ini gin-arestar.
Tuman nga paghinulsol ang nabatyagan ni Penido sa ginhimo sini samtang ginpasakaan na ini sang kaso.
