KORONADAL CITY – Patay na sang nasapwan sa bahin sang Barangay Sunflower B. , Lampitak, Tampakan, South Cotabato ang isa ka lalaki nga na-missing matapos nga maanod sang mabakosg nga tubig-baha.
Ini ang ginpahayag ni Mr. Orlando Sen-Brgy. IPMR kag bayaw sang biktima sa interbyu sang Bombo Radyo Koronadal.
Suno kay Mr. Orlando, ang biktima ginkilala kay Jose “Dodong” Ibañez, 35 anyos, single kag residente sang nasambit nga Barangay.
Nahibaluan nga ang biktima nagbulig kuntani sa ila nga brgy bangud sa tuman nga kabaskog sang pagbubo sang ulan apang wala gina ekspektar sang gilayon nga ang ginakaptan sini nga puno sang babana nadala sang tuman nga pag agos sang mabaskog nga tubig.
Ang biktima gindala sang mabaskog nga tubig rason nga wala ini nakasalbar sang iya kaugalingon kag gilayon nga naanod kag napatay bangud sa mga puno man nga nag igo sa magkalain-lain nga parte sang iya nga lawas.
Nahibaluan man nga ining sapa ang tuman ka delikado kung mag magbubo ang mabaskog nga ulang bangud kulukasubong nga 10 ft.ang kadalumon sini.
Amo ini nga sa karun nagapalab-ot man ang bayaw sang biktima sa tanan nga mga katawhan ukon pumuluyo sa nasambit nga brgy. nga magahalong gid kung magluntad ang pagbubo sang nasambit nga ulan bangud delikado gid ini kag magpalayo gid sa mga areas nga prone gid sang pagbinaha-baha.
Sa karon yara na sa isa ka funeraria sa bahin sang Tampakan, South Cotabato agud nga ma asikaso para mahaya sa ila naman nga puluy-an.
