Gin-anunsyo ni Miss World Philippines 2024 Krishnah Gravidez ang dugang nga milestone nga iya naangkon paagi sa pagpirma sang kontrata sa idalom sang Universal Records.
Nagpabutyag naman sang pagpasalamat ang beauty queen sa ginhatag nga oportunidad sa iya bangud ang pagsulod sa music industry ang ginakabig niya bilang bag-o nga chapter sang iya kabuhi.
Apisar nga wala ini nakaagi sa formal vocal training, determinado si Krishnah nga malampuwasan ang mga butang nga iya pagaatubangon.
Sang ginpamangkot naman ini sa iya luyag nga music genre, ginpahayag sang beauty queen nga komportable sia sa Bossa Nova apang bukas man ini sa pagtuon sang iban pa nga mga genres.
Ginalauman naman ni Krisnah nga maka-collab ang OPM star nga si Moira Dela Torre.
Magluwas sa bag-o niya nga singing career, nagapreparar man ang beauty queen para sa palaaboton nga Miss World pageant sa Pebrero.
