KORONADAL CITY– Nagapadayon sa subong ang imbestigasyon sang kapulisan Maguindanao sa nagluntad nga pagpangluthang sa misis sang isa ka pulis kag 5 anyos nga bata nga babaye.
Ginkilala sang Parang PNP ang biktima nga si Amalia Morakib Diron,40 anyos nga residente sang Sitio Ahli-Sonah, Barangay Poblacion Uno sang nasambit nga banwa.
Suno sa kapulisan , nagabantay sang ukay-ukay ang biktima sang ginpalapitan sang mga suspek kag ginluthang sa Parang Public Market, Barangay Poblacion Parang, Maguindanao.
Nag-angkon sang tatlo ka igo sang bala sa ulo si Diron nga nangin kabangdanan sang gilayon sini nga kamatayon.
Samtang patay man ang lima katuig nga bata nga si Althea Dimaampao Taup sang Barangay Poblacion Dos, Parang nga ginluthang man sang suspek matapos sini nga masaksihan ang natabo.
Sa subong padayon pa nga ginahibalo sang mga otoridad ang identity sang suspek kag kun ano ang motibo sini sa pagpangluthang.
