KORONADAL CITY– Napreso ang isa ka seloso nga mister makaligad nga ginlabo ang iya misis kadungan sang tuman nga argumento.
Sa ekslusibo nga interbyu sang Bombo Radyo Koronadal sa subang nga bata sini, nakaangkon sang pagbinaisay ang mag-asawa nga sanday Emily Ardita, 33 anyos kag ang amay sini nga si Roland “Balut” Ardita 38 anyos nga mga residente sang Prk. Kauswagan Brgy. Saravia siyudad sang Koronadal.
Suno sa report, indi luyag paguwaon sang bana ang iya asawa matapos nga makapauli ini halin sa Metro Manila isa ka semana pa lamang ang nakaligad.
Bangud sa pagpamilit sang asawa nga makaguwa nag-inaway ang mga ini nga nagresulta sa pagpanglabo sang bana kun diin nasagang naman sang asawa rason nga mga tudlo lamang sini ang nautod.
Gilayon naman nga nagresponder ang mga pulis kun diin nagpalagas pa ang suspsek apang naaresto sa gihapon.
Samtang, nagapaayo naman sa South Cotabato Provincial Hospital.
