Ginsigurado sang Miru Systems nga indi makompromiso ang 2025 midterm elections kasunod sa pagback-out sang St. Timothy Construction Corp. sa ila nga joint venture para sa automated election system sa masunod nga tuig.
Suno sa kumpanya, indi kalakip ang St.Timothy Construction Corporation sa paghimo sang mga makina ukon mga serbisyo para gamiton sa eleksyon.
Kabahin lamang ini sa pagbulig sa pagsunod sa mga gintalana nga pagsulundan.
Dugang pa,temprano permi ang ila nga pagpreparar para matapos ang mga nabilin nga Automated Counting Machines kag iban pa nga kinahanglan nga nalakip sa kontrata.
Sa karon nakadul-ong na sila sang 50,000 ka Automated Counting Machines kalakip na ang election peripherals, kag mga bag-o nga printing machines.
Naghimo naman ang mga ini sang training sa ila mga technicians samtang ginapatukod ang 110 ka repair hubs sa bug-os nga Pilipinas.
Pahayag sang kumpanya, nagapabilin sila nga dedikado sa paghatag sang matinlo nga eleksyon sa pungsod.
