Minero patay matapos ma-suffocate sa sulod sang tunnel

KORONADAL CITY – Wala na maluwas pa ang kabuhi sang isa ka minero makaligad nga masuffocate sa sulod sang tunnel sa banwa sang Tboli, South Cotabato.

Ginkilala ni PCI Ramil Villagracia, chief of police sang Tboli Municipal Police Station ang napatay nga si Julian Suan Sugan, yara sa legal nga edad kag residente sang Barangay Cimatu sa nasambit nga banwa.

Suno kay Villagracia, nagsulod pasado alas-6 sang aga sa tunnel si Sugan agud nga magtrabaho apisar nga malain ang pamatyag sini.

Makaligad ang isa ka oras nabudlayan na ini sa pagginhawa rason nga ginbuligan sang iya mga upod nga makaguwa sa amo nga tunnel.

Gindapat pa sa pinakamalapit nga balaybululngan ang minero apang gindeklarar na ini nga dead on arrival.