Military training nagtuga sang kahadlok sa mga residente, nasal-an nga engkwentro

KORONADAL CITY- Nagtuga sang tuman nga kahadlok sa mga residente sang Datu Paglas, Maguindanao kag Barangay Palabilla, Lutayan , Sultan Kudarat ang ginpatigayon nga training sang mga suldado.

Ini matapos nga makabati sang mga lupok ang mga residente kag nasal-an nga may yara sang engkwentro nga nagluntad sa ila nga lugar.

Kadungan sini, gindula naman ni 33rd Infantry Batallion, Commander Lt. Col. Harold Cabunoc ang kahadlok sang mga residente kag ginpahayag nga military training lamang ang ginpatigayon sa nasambit nga mga lugar.

Katuyuan naman sang ginpatigayon nga military training nga mapaayo pa ang ikasarang sang mga suldado sa pakig-engkwentro.