KORONADAL CITY- Natumod na sang militar ang identity sang 2 ka mga katapo sang rebelde nga Bangsamoro Islamic Freedom Fighters nga nagtanom sang Improvised Explosive Device (IED) kag naghana nga pasigabungan ang Militar detachment sang 38IB sa Brgy. Dicalungan, Ampatuan Maguindanao.
Suno sa militar ang mga suspek sa likod sang hana nga pagpasigabon amuh sanday Ali Usman kag Saudi Manguka sang Brgy. Kapimpilan Ampatuan, Maguindanao nga mga tinawo ni Kumander Sukarno Zapal kun sa diin nagtanom ang mga ini sang IED nga ginhimo sa 81mm mortar ammo usar ang cellphone bilang detonating device.
Gilayon naman nga natumod sang militar ang ginbutangan sang mga rebelde sang IED kag napunggan ang pagsigabong sini.
Nahibaluan nga target sang mga rebelde nga pasigabungan ang nagapadulong nga Military vehicle nga may sakay nga madamo nga katapo sang 38th IB.
