Indi magnubo sa sa 19 ka tawo ang naluthan matapos nmagtibusok ang military aircraft sa Omdurman, Sudan sang Martes, Pebrero 25, 2025.
Suno sa pahayag sang militar, ang Antonov aircraft nagtibusok samtang nagatakeoff halin sa Wadi Sayidna air base, kag nagtibusok sa isa ka balay sa distrito sang Karrari sa Omdurman.
Ginkumpirma man sang militar nga lakip sa mga napatay ang pila ka mataas nga opisyal sang ila hanay, mga tauhan sini, kag pila ka mga sibilyan, apang wala ginhambal kon ano ang gintunaan sang pagtibusok.
Suno naman sa Ministry of Health, pagadal-on ang mga patay nga lawas sa Nau Hospital sa Omdurman.
Samtang, lima ka sibilyan, lakip na ang duha ka mag-utod, ang gidnala sa balay-bulolngan para sa bulig medikal matapos makaagom sang pilas.
