KORONADAL CITY- Padayon ang pagpasangkad sang pwersa sang mga otoridad batok sa mga terorista nga grupo makaligad ang panghilitabo nga encouncter sang 37IB sa CTG (Communist Terrorist Group sa Sitio, Nges, Brgy. Hinalaan, Kalamansig Sultan Kudarat.
Ini ang ginpahayag ni Lt. Col. John Paul Baldomar, Commander sang 37IB sa interbyu sang Bombo Radyo Koronadal.
Suno sa opisyal, nag umpisa suno pa ang operasyon makaligad nga nagpanugid ang mga tao kag mga IP sa mga lugar nga ginapumunuan ni Datu Gawa Gantangan, isa man ka anay rebelde nga nagsungka sa 37IB sang nagalabay nga tuig nga may yara suno pa sang presesnya sang mga armado nga lalaki sa ila nga lugar.
Gilayon naman nga nagresponde ang Conqueror Troopers sa report kag nagpadala sang patrol agud protehiran ang komunidad halin sa mga pamahog sang nasambit nga mga Komunista nga Terorista sang NPA.
Suno pa kay Baldomar, nagdugay sang masubra 10 ka minuto ang pag-ingkwentruhanay apang sa wala ginaekspektar nga panghilitabo, nakapalagyo ang ini nga mga grupo.
Narekober naman sang Operating Troops ang isa ka improvised landmine,detonating cords, mga bala kag mga basyo sang bala sang nagkalai-lain nga kalibre, kag mga personal nga gamit sang nasambit nga NPA Terrorist.
Madumduman nga naka eksperyensya sang tuman nga kinagamo ang Communist Terrorist Group sa Munisipyo sang Kalamansig matapos ang serye sang NPA nga magsungka sa 37IB humalin sadtong Enero subong nga tuig.
Suno sa report, yara sa kabug-usan nga 57 NPA ang nagsungka sa 37IB nga may dala nga 48 nga armas.
Ginkondena naman ni Baldomar, ang mga NPA Terrorists sa paggamit sang mga landmine matapos ini nga gindumilian sa idalom sang International Law and Law of Armed Conflict nga nagapahayag nga pwedi man ini nga tunaan sang pagkaalarma sang pipila naman ka mga grupo.
