KORONADAL CITY- Nagpatunga na ang militar sa engkwentro sa tunga sang Dawla Islamiya kag armado nga supporters sang nagtaliwan nga barangay chairman sa Sitio Patawali, Barangay Ganta Shariff Saydona Mustapha Maguindanao del sur.
Ini ang nanginpahayag ni BGen. Oriel Pangcog, commander ng 601st Brigade, Philippine Army sa interbyu sang Bombo Radyo Koronadal.
Suno kay Pangcog, naakig ang mga tagasuporta ni Barangay Penditen Datu Salibo Chairman Jun Silongan human nga napatay ang opisyal sa nahitabo nga pagpamomba nga kahimuan suno pa sang grupo ni Dawla Islamiya Sub Leader Commander Budsal kaya’t, nagbuslanay sang lupok ang mga armado nga nagresulta sa pag-bakwit sang pipila ka mga residente sa lugar
Sa karon, ginahibalo pa kung may yara sang napilasan o nagtaliwan sa engkwentro sang duwa ka panig.
Apang, para masiguro nga hindi madamay ang mga sibilyan nagpatunga na ang mga kasundaluhan para di na magdugay pa ang buslanay sang lupok kag mapatigayon ang paging tayuyon sa nasambit nga lugar.
Una dire, nagapati si General Pangcog na wala sang angot ang pulitika sa pagpamomba nga ginkapatay nila Chairman Silongan kag Barangay Kagawad Sali Datua samtang may nadamay pa nga pilason nga sibilyan.
Paghimok sang terrorismo suno pa ang pakay sang mga ini.
Sa karon, ara sa full alert status ang militar kag kapulisan sa lugar para mapunggan ang anuman nga karahasan sa posible mahitabo.
