KORONADAL CITY– Nagsugod na ang recruitment sang kasoldadohan sa mga IPs sa South Central Mindanao agud masalbar sa New People’s Army Recruitment.
Nahibaluan nga una nga ginlunsyar sang 6th Infantry Division Philippine Army ang nasambit nga ang recruitment kun sa diin target nga ma enlist ang yara sa 1,000 nga lumad nga yara sa ital-ital nga nag intra sa komunista kag rebelde nga grupo nga kontra sang estado.
Suno kay Major General Arnel Dela Vega,AFP commander sang 6th Infantry Division Philippine Army, dako nga bulig ang nasambit nga programa sang militar agud mapabaskog pa ang pwersa batuk sa rebelde nga grupo nga wala sang untat sa pagpatigayon nga pagpang-atake sa tropa sang gobyerno kag wala tuo nga extortion activities.
Target sang ila nga recruitment nga malab-ot ang mga yara sa remote areas.
Dako naman ang pagpasalamat sang mga katutubo nga interesado sa nasambit nga programa bangud mahatagan sila sang oportunidad nga mangin kabahin sang AFP.
