KORONADAL CITY- Gin-insister sang 6th Infantry Division Philippine Army nga wala sang sibilyan nga nalamit sa ila ginpatigayon nga focused military kag intelligence operation sa Sitio Lapitos, Brgy Lower Salbu, Datu Saudi Ampatuan sa probinsya sang Maguindanao.
Suno kay 6th ID army captain Arvin Encinas, grupo ni Kumander Peni nga isa ka BIFF subordinate leader sa idalum sang Karialan Faction ang ila naka-engkwentro kun sa diin ginbomba sang militar ang ginakutaan sang mga reblede kag mangin man ang ginapanaguan sangg ila Impovised Explosive Devices, High Powered Firearms, mga bala kag iban pa nga kagamitan kun sa diin nakaangkon man sang spillover sa Brgy. Kitango, Datu Saudi Ampatuan kag Malangog, Datu Unsay Maguindanao.
Dugang pa nga naglab-ot sa halos 50 ka mga rebelde ang patay sa engkwentro kag close air support artillery bombardment kun sa diin ginkumpirmar mismo sang mga residente kag opisyal sa lugar ang numero sang mga napatay nga mga rebelde kag madamo man sang pilason sa mga ini.
Samtang nagpanindugan si Cpt. Encinas nga well planned kag well excuted ang ila ginhimo nga operasyon kag wala sang 13 ka mga sibilyan nga nalamita.
Ginpasiguro man sini nga padayun sila nga magahatag sang proteksyon kag seguridad sa mga sibilyan sa ila AOR batuk sa mga rebelde nga grupo nga nagapalapnag sang kinagamo.
