KORONADAL CITY- Magabulig man ang bug-os nga katapo sang Philippine Army sa mga biktima sang linog sa Mindanao.
Ini ang ginkumpirmar ni Western Mindanao Command Spokesman Major Arvin Encinas sa interbyu sang Bombo Radyo Koronadal kun sa diin kada miyembro sang militar ang boluntaryo nga magahatag sang P1,000 nga igabawas sa ila nga sweldo.
Ini ang kabahin sang Humanitarian Assistance sang militar para sa mga nagapanginahanglan nga mga biktima sang linog partikular na sa North Cotabato kag Davao del Sur nga pinaka-apektado sang pagtay-og.
Nahibaluan nga kabug-usan nga 85,000 ka mga militar ang magabulig kun sa diin ang matipon nga kwarta ang iga convert sa items ukon panginahanglanon sang mga biktima kasubong sang bugas, tubig, trapal kag iban pa.
