KORONADAL CITY –Gilayon nga naghatag sang bulig ang local government unit sang Lake Sebu kag provincial government unit sang South Cotabato sa kapin 50 pamilya ukon masubra sa 60 indibidwal nga nagbakwit matapos ang engkwentro sa tunga sang militar kag rebelde nga NPA.
Sa interbyu sang Bombo Radyo Koronadal kay PDRRMO chief Mila Lorca, nga nagbakwit ang mga residente halin sa Sitio Lahak, Barangay Klubi sa nasambit nga banwa bangod sa kahadlok sang mga ini nga maiipit sa engkwentro.
Suno kay Lorca, nga naghatag sila sang mga food items kag hygiene kits sa mga nagbakwit nga temporaryong nga nagatinir sa Barangay Hall.
Samtang, narekober naman sang militar sa lugar kun sa diin nagluntad ang engkwentro ang mga matag-as nga kalibre sang armas luthang , bulong, kag mga kagamitan sang nagpalagyo ang mga armado nga grupo.
Nahibaluan nga ang mga nakaenkwentro sang mga nagpatrolya nga katapo sang 27th IB sa Sitio Lamlahak ang mga katapo suno pa sang Front 73 sang New Peoples Army.
Wala naman sang napagkit nga pilason sa panibag o naman nga engkwentro.
Sa karon nagapadayon ang ginapatuman nga clearing operation sang militar.
