KORONADAL CITY- Ginkondinar ni 33rd Infantry Makabayan Battalion commander Ltc. Harold Cabunoc ang pagsulod sang International Organizations sa imbestigasyon angot sa isyu sang kamatayon sang tribal leader nga si Datu Victor Danyan kag 8 ka myembro sang tribo halin sa Sitio Datal Bonglangon, Brgy. Ned Lake Sebu South Cotabato nga ginasiling nga naghugpong sa rebelde kag komunista nga New People’s Army.
Sa ekslusibo nga interbyu sang Bombo Radyo Koronadal kay Col. Cabunoc kabahin suno pa sang International Solidarity Works Propaganda sang NPA ang presensya sang mga dumuluong nga yara sa probinsya nga nagapatigayon karun sang imbestigasyon kun lehitimo bala ukon indi ang operasyon san 33rd IB at 27th IB sang nakaliad nga Disyembre 2017.
Ginpaandaman man sini ang mga dumuluong halin sa Estados Unidos, Zimbabwe kag Europa nga indi magpanghilabot sa domestic affairs sang pungsod kag sa baylo hatagan sang atensyon ang mga isyu nga ginapangatubang sa nila lugar kasubong sang diskriminasyon, gun violence kag iban pa.
Nahibaluan nga ang mga dumuluong ang may yara sang 3 ka tinutuyo sa pagpadulong sa pungsod kun sa diin sentro sang imbestigasyon amuh ang alleged pag massacre sang militar sa mga lumad sa Sitio Datal Bonglangon, Lake Sebu South Cotabato, ginaduso nga coal mining sa Ned, Lake Sebu kag ang Military Accusation kay South Cotabato Board Member Solivio nga supporter ini sang NPA.
