KORONADAL CITY- Ginkalipay sang militar ang pagpapili sang isa ka Ikinatuwa former BIFF Commander bilang opisyal sa banwa sang Paglat, Maguindanao para sa nagahilapit nga May 2019 Midterm Election.
Sa esklusibo nga interbyu sang Bombo Radyo Koronadal kay Lt. Col. Harold Cabunoc, Batallion Commander sang 33rd IB Phil. Army, ginpahayag sini nga magapapili nga konsehal si Sindatok Delna alyas Kumander Motolite, isa ka anay BIFF kumander nga nagbalik sa sabak sang gobyerno.
Nagapakita man suno pa ini sang maayo nga resulta kun sa diin ang anay kalaban nga armado kag rebelde nga lider ang ginpili nga suportaran ang peace agenda sang gobyero pinaagi sa pagsulod sa pulitika makabulig sa paglab-ot sang kalinong sa luagr.
Suno kay Cabunoc, ini ang una nga higayon nga may BIFF Surrenderee nga luyag magserbisyo.
Sa karon, nagalaum suno pa si Kumander Mololite nga suportaran ini sang mga residente sang Paglat bangud man sa tinutuyo sini nga makabulig sa seguridad kag katawhayan sa lugar.
Madumduman nga lakip si Kumander Motolike sa 11 BIFF nga nagsungka sa militar sang May 10, 2018.
