KORONADAL CITY- Ginbweltahan ni 33rd Infantry Makabayan Battalion commander Lt. Col Harold Cabunoc ang New People’s Army angot sa bag-o nga mga akusasyon nga ginahaboy sang rebelde kag komunista nga grupo sa militar.
Suno kay Col. Cabunoc, paliwat-liwat lamang suno pa ang mga pahayag sang NPA angot sa ginahaboy nga mga akusasyon nga brutal suno pa nga military operations, malapanagon nga political killings kag iban pa kun sa diin ghinhalimbawa pa sini ang gina alegar nga pagpatay sang militar sa 8 ka mga myembro sang T’boli-Manobo farmers sa Sitio Datal Bonglangon, Brgy. Ned Lake Sebu South Cotabato sang nakaligad nga tuig.
Samtang ginhangkat man ni Col. Cabunoc ang NPA nga kun sa pamatyag nila, may paglapas sa tawhanong kinamatarong ang ila operasyon magsang-at ang mga ini sang kaso.
Nagpanindugan man ini nga may yara sang mabakod nga mga ebidensya sang pag-angkon sang tribal militia kag gintukod nga revolutionary barangat ang NPA sa nasambit nga lugar kag gin-insister man nga lehitimo ang operasyon batuk sa rebelde nga grupo.
Ang mga napatay man nga mga myembro sang NPA ang indi bangud ginpatay sang militar kag sa baylo, nakig-engkwentro ang mga ini sa tropa sang gobyerno.
Suno kay Col. Cabunoc, klaro nga ang rebelde nga grupo suno pa ang nagapalapta sang kingamo, extortion kag iban pa nga krimen nga nangin kabangdana sang pag-angkon sang presensya sang militar sa nabukid nag bahin sang South Cotabato kag Sultan Kudarat.
Tuman man ang pagbantay ang militar sa nagapadayon nga recruitment sang rebelde nga grupo sa mga kabataan nga lumad agud himuon nga mga child warriors.
