KORONADAL CITY – Yara na sa kustodiya sang mga otoriad ang katapu sang Moro Islamic Liberation Front (MILF) nga ginakabig bigtime drug pusher sa Mindanao kaupodn ang asawa sini makaligad nga maarestar sa ginpatigayon nga operasyon sang Philippine Drug Enforcement Agency (PDEA-ARMM), 90th Infantry Battalion, 6th ID, Philippine Army, kag Datu Odin Sinsuat Municipal Police Station.
Ginkilala ang mag-asawa nga naaresto nga sanday Maguid Taug Abdul kag Saguira Diang alias Saguira Bali Usman nga mga residente sang Datu Odin Sinsuat, Maguindanao.
Ginpatigayon ang operasyon bangud sa gin-isyu nga search warrant sang 12th Judicial Region, RTC Branch 13, Cotabato City batuk sa mga suspek.
Nahibaluan nga nagpatigayon sang operasyon ang duha sa nagkalain-lain nga lugar sa Mindanao partikular sa Pagadian City, Maguindanao kag mga kaiping probinsiya.
Nakuha sa posisyon sang mga suspek ang 13 sachet sang ginapatihan nga shabu ukon yara sa 22.8 grams nga may estimated market value nga halos P150K kag mga drug paraphernalia.
Nakilala si Abdul nga katapu sang MILF bangud sa Identification card sini.
