KORONADAL CITY- Ginahulat na lang suno pa sang grupo sang Moro Islamic Liberation Front (MILF) ang imbitasyon halin sa Philippine Government agud nga magpatunga sa nagapadayon nga Marawi Crisis.
Suno kay MILF peace implmentation panel chief ohager Iqbal, bukas ang ila bahin sa paghatag sang bulig bilang mediator sa nagaluntad nga kinagamo sa tunga sang tropa sang gobyerno kag ISIS-MAUTE.
Dugang pa sini nga igakonsidera suno pa nila ang anuman nga imbitasyon sang gobyerno agud sila mismo ang makig angot sa ila counterpart agud makaistorya ang mag nabilin pa nga lider sang Maute kag mahilway ang mga bihag.
Indi man suno pa sila magapang duha-duha sang huna-huna agud masalbar ang mga naipit nga sibilyan sa gyera kun sa diin isa man sa pamatuod amuh ang pagbulig nila sa rescue operation pinaagi sa Joint Coordinating, Monitoring and Assistance Center sang MILF kag gobyerno.
Kumpyansa naman nga sa oras nga magsali na sila sa negosasyon, magasugot ang mga myembro sang Maute terror group na anay nga myembro man sang MIL.
Kun madumduman nga ang ginapatihan nga napatay nga mga Maute brothers ang dati man nga myembro sang MILF mangin ang nadakpan nga Maute patriarch nga si Cayamora Maute.
