KORONADAL CITY- Gilayon nagpalab-ot sang suporta ang mga miyembro sang Moro Islamic Liberation Front (MILF) kag Moro National Liberation Front (MNLF) matapos ang pag-aprubar sa Martial Law extension sa isla sang Mindanao.
Ini ang ginpahayag ni Bas Camendan, Vice Chairman kag Human Rights Desk Officer sang Mindanao People’s Peace Movement sa interbyu sang Bombo Radyo Koronadal kun sa diin una na nga ginpahayag sini nga wala sila sang nakit-an nga problema sa pagpalawig sang Martial Law bangud ini ang mangin dalan agud mas mapadasig ang pagdakop sa mga kriminal kag may kaangtanan sa iligal nga droga.
Sa pihak nga bahin, ginpahayag ni Camendan nga paagi sa Martial Law, ginalauman nga mas mabudlayan ang New People’s Army nga maghulag kag magpatigayon sang kinagamo ilabi na ang isla ang sentro suno pa subong sang mga operasyon sang tropa sang gobyerno bnagud asud-asod nga atake sang NPA kag bangud sa bag-o lamang takop nga kinagmo sa Marawi City kontra sa ISIS-MAUTE
