KORONADAL CITY- Nakapreso na sa karun sa Tupi PNP lockup cell ang 16 ka mga indibidwal kalakip na ang ginapatihan nga Moro Islamic Liberation Front Commander sa ginpatigayon nga search warrant operation sa Sitio Bunawan, Brgy. Polonuling, Tupi, South Cotabato.
Sa interbyu sang Bombo Radyo Koronadal kay PSupt. George Parcon sang South Cotabato PNP, kalakip sa 16 ka mga naarestar ang ginasiling nga MILF commander nga target sang operasyon nga si Abdul Latif Pagadatan samtang pilason naman ang imam nga si Bati Katag nga nagbato sa PNP usar ang cal. 38 nga armas samtang ginsirbe ang search warrant.
Narekober sa posisyon sang mga suspek ang masobra 3 ka pakete sang ginapatihan nga iligal nga droga kag drug paraphernalia.
Nahibaluan nga madugay na nga ginabantayan ang sambit nga mga suspek bangud sa iligal suno pa nga aktibidad.
