KORONADAL CITY- Ginransak sang mga kawatan ang MIGG Enterprises sa Purok Yellow Bell, Cayetano Arellano, Barangay Sta. Cruz, Koronadal City.
Sa interbyu sang Bombo Radyo Koronadal kay Lily Sabidao, Manager sang MIGG Enterprises, ginpahayag sini nga nakuha sa CCTV footage ang tatlo ka mga kawatan nga nagransak sa nasambit nga enterprises kag nakuha ang nagkalain-lain nga cellphone, rim sang motor , kag kwarta nga nagabalor sang 10,000 .
Gindugang pa sini nga indi ang una ka bes nga sila ang nakawatan bangud sang naglabay sila man ang nangin biktima sang pagpangawat nga kung sa diin ang suspek ang pareho sa gihapon nga nakit-an sa CCTV.
Blanko naman ang manager sang nasambit nga establisyamento kung taga diin o kung sin o ang mga ini apang gilayon naman sila nga nagdangop sa talatapan sang mga kapulisan agud nga mahibaluan kag matumod ang mga nasambit nga suspek.
Sa karon nagapanawagan ang manager kag tag-iya sa kung sin-o man ang nakakilala sa mga kawatan nga nakita sa CCTV ang gilayon nga e-report sa kapulisan.
Magahatag sang P20,000 nga reward money ang tag-iya sang MIGG Enterprises sa sin-u-man nga makahatag impormasyon angot sa suspek kag mga upod sini.
