-- ADVERTISEMENT --
Gintuman ni Michelle Dee ang iya promisa nga i-donar sa “Voice for Change” ang iya nadag-an sa Miss Universe pageant sadtong tinalikdan nga tuig.
Matapos nga mabaton ang $12,000 ukon masobra P684,000 gikan sa Miss Universe pageant, gindonar niya ini sa Autism Society Philippines (ASP).
Nahibaluan, ang nasambit nga organisasyon ang iya ginasuportahan antes pa man ang iya pag-intra sa Miss Universe Philippines.
Samtang, personal nga ginhatag ni Michelle ang cheke sa ASP sa Alta Roca nga nahamtang sa siudad sang Antipolo.
Suno kay Michelle nga padayunon niya ang pagbulig sa nasambit nga organisasyon.
