KORONADAL CITY- Narekober sang 5th Special Forces “Primus Inter Pares” Battalion sa idalom sang operational Control sang 1st Mechanized Infantry Brigade upod sang 61st Division Reconnaissance Company ang CTG war material makaligad ang armado nga engkwentro sa Sitio Datal Kadi, Brgy Tasiman, Lake Sebu, South Cotabato.
Sa interbyu sang Bombo Radyo Koronadal kay Capt. Perry John Gonzaga, CMO Officer , 5th Special Forces Battalion ginpahayag sini nga pinaagi sa ginhiwat nga Focused Military Operations, na engkwentro sang operating troops sang 5th Special Forces Battalion ang ginabulubanta yara sa 15 ka mga Communist Terrorist Group sa pag panguna ni “Magaw”, Front Secretary, Guerilla Front Musa, Far Southern Mindanao Region (FSMR) kag “Tamton”, Commanding Officer, Front Operational Command, Guerilla Front Musa, FSMR.
Lakip sa mga narekober amo ang isa ka 40mm Grenade Launcher, 158 rounds sang 7.62mm (linked), kag iban pa ka mga war and medical materials.
Ang mga narekober nga mga elemento ang tuman nga makaapekto sa kapasidad sang mga CTG nga ipadayon ang ila nga mga aktibidad sa pagpatigayon kag pagpaninguha nga magbalik na ang mga terorista nga grupo sa sabak sang gobyerno.
Gindugang pa sini nga ipabilin man sang ila nga hanay ang katawhayan sa probinsya sang South Cotabato kag siguraduhon nga hindi madula ang pagdepende sang publiko sa ila.
