KORONADAL CITY – Nagdahum ang mga trabahante sang pinyahan nga isa lang ka manikin ang nakita nila kag indi matood nga patay nga lawas sang 15-anyos nga bata nga babaye sa Barangay Maligo, Polomolok, South Cotabato subong nga adlaw sang Huwebes, Enero 15, 2026.
Ini ang nangin pahayag ni Bell isa ka trabahante sang pinyahan sa eksklusibo nga interview sang Bombo Radyo Koronadal.
Suno kay Bell, nasal-an pa nila nga manikin ang bangkay apang sang napalapitan na nila ini kag nakita nga may buhok didto na sila nagpati nga isa gid gali ini ka tawo.
Dugang pa ni Bell, tuman ang ila ka hadlok bangud sa nakita na nila ang patay nga lawas sang 15-anyos nga biktima kag yara pa sa tunga sang kapinyahan kun sa diin sila nagapang hilamon.
Sila man mismo nakaisip nga posible nga ginhimuslan ang nasambit nga biktma bangud ini ang wala na sang bayo.
Sa karon, nagalaum sila nga madakpan na ang may kahimuan sang krimen.
Nagalaum man sila nga indi na maliwat pa nga may masapwan nga bangkay sang tawo nga ihaboy sa kapinyahan.
