KORONADAL CITY – May mga Persons-of-interest na ang Koronadal City PNP angot sa mga persona ukon grupo nga yara sa likod sang asud-asud nga hinoldapanay kag kinawatay sa syudad sang Koronadal.
Ini ang nangin pahayag ni PMaj. Rommel Hitalia , DCOP sang Koronadal CPS sa interview sang Bombo Radyo Korondal.
Suno sa opisyal, mahimo nga 5 tubtub 10 ka miyembro ang naga komposar sang amu nga mga grupo sang mga kawatan nga naga pangbiktima sa Korondal.
Positibo man nga gin kumpermar sang opisyal nga may mga uyat na sila nga mga footages nga makitaan sang mga laragway sang mga suspek kag sang mga motor nga gina usar sang mga ini sa mga krimen.
Dugang pa sang opisyal, maga dugang pa ang mga ini sang tracker team para sa pagsunod sa kaso sang kinawatay sa syudad sang Koronadal.
Gin pasiguro man sini nga pagapanabton ang mga suspek sa tion nga madakpan ang mga ini.
Sa karun,may 6 ka mga motorcop ,2 ka patrol vehicles kag pila ka mga force multipliers ang kapulisan sa Koronadal samtang naga pabilin naman nga 1 is to 200 ang ratio sang kapulisan sa mga sibilyan apang indi ini upang para sa pag solbar sang krimen nga naga luntad sa Koronadal.
