KORONADAL CITY- Ginpaidalom na sa stress debriefing process ang pila sa mga survivors sang Isulan bombing.
Nahibaluan nga apisar nakagwa na sa ospital ang kadamuan sa mga pilason, prayoridad sa gihapon sang lokal nga gobyerno sang Isulan, Sultan Kudarat ang mga biktima kun sa diin suno kay Isulan Mayor Marites Pallasigue nakatutok sila sa sitwasyon sang mga survivors kag mga nabilin nga pamilya sang mga napatay agud nga mabuligan na makarekober ilabi na kag isa ka kritikal nga insidente ang panghitabo.
Dugang pa nga mas madali suno pa nga bulungon ang mga pilas nga gin agum sa pagsigabong kun ikumparar sa trauma nga ila nga gin eksperyensya kun sa diin pila sa mga biktima ang mga menor de edad kag ginakabalak-an nga makaangkon sang long term psychological effects sa ila sang nasambit nga panghitao.
Sa karun dako ang mabulig sang crisis counseling agud mahagan-hagan ang psychological trauma sang mga survivors mangin man ang mga nabilin nga pamilya sang mga napatay makaligad ang bombing nga ginkapatay sang 3 ka person kag ginkapilas sang masobra 30 ka iban pa.
