KORONADAL CITY- Ginpaidalom na sa critical incident stress debriefing ang pila sa mga survivors sa madinuguon nga Las Vegas massacre nga nagbilin ang 59 nga patay kag masobra 500 nga pilason.
Suno kay International Bombo Correspondent Rhain Cabanas nga isa sa mga survivors sa nasambit nga insidente kaupod ang 27 nga iban pa ang ginpaidalom sa stress debriefing makaligad ang madinuguon nga insidente agud mabuligan sila nga maka recover sa trauma.
Ang CSID ang ginpatigayon sang mga trained mental health professionals kun sa diin nagapakigbahin sila ang mga butang nga nagabalabag sa ila angot sa nasambit nga kritikal nga insidente.
Sa subong aminado ini nga nabudlayan sya sa pagtulog bangud indi sa gihapon madula sa iya huna-huna ang scenario kun sa diin ginpangluthang ang mga tao sa concert kag naglapta ang mga dugo kag nabatyagan sa gihapon sini ang tuman nga kahadlok nga iya na-eksperyensyahan sang suspek nga si Stephen Craig Paddock ang pagpangluthang sa Mandalay Bay Hotel and Casino sa Las Vegas Nevada, USA.
