KORONADAL CITY-Ginapahalong sang mga suldado ang mga residente sa ila nga area of responsibility matapos ang asud asud nga pagpang atake nga ginapatigayon sang New Peoples Army.
Sa interbyu sang Bombo Radyo kay 27th IB Commanding Officer Lt. Col. Benjamin Leander, ginkumpirmar sini nga mangin sila nakabaton man sang impormasyon sa mga opensiba nga hiwaton sang NPA.
Naghatag naman ini sang deriktiba sa mga kasuldaduahan nga doblehon ang paghalong ilabi na sa mga malagyo nga lugar kag identified nga may presensiya sang mga rebelde nga grupo bangud sa posible nga harassment nga ipatigayon sang mga ini.
Madumduman nga pinakaulihi nga atake nga ginpatigayon sang mga ini ang ang pag ambush sa mga police sa Negros Oriental nga tunaan sang kamatayon sang 7 ka pulis kag ginkapilas sang iban pa.
