KORONADAL CITY – Ginpalukpan sang mga armado nga kalalakihan nga suno pa miyembro sang New People’s Army (NPA) ang mga suldado nga nagapatigayon sang Community Investment Program Support Operation (CIPSO) sa Sitio Batolawa, Barangay Tasiman, Lake Sebu,South Cotabato.
Sa interbyu sang Bombo Radyo Koronadal kay Lt. Col. Benjamin Leander, commanding officer sang 27th Infantry Batallion, yara sa masobra 10 ka mga rebelde nga ginapatihan miyembro sang Platoon Gurella Front 73, Far South Mindanao Region ang nagpalupok sa mga suldado gikan sa Charlie Company sang 27th Infantry Battalion sang Philippine Army.
Nagdugay sang 5 tubtob 10 ka minutos ang pagpalupok apang wala naman sang may napilasan sa insidente.
Nagapati naman ang mga suldado nga pagpanghadlok lamang ang ginhimo sang mga rebelde.
Sa subong, nakaalerto na ang mga suldado sa lugar agud nga indi na masulit pa ang hitabo
