KORONADAL CITY- Wala nagpaulihi ang mga senior citizens sa Brgy. New Iloilo Tantangan South Cotabato sa pagboto subong nga Barangay kag Sangguniang Kabataan Elections.
Sa interbyu sang Bombo Radyo Koronadal kay Pedro Silva, 69 anyos residente sang Brgy. New Iloilo, Tantangan pasensyoso suno pa ini nga naglinya agud nga makaboto.
Apisar nga nagadinaguso sa pila kag mainit, kinahanglan nga makasali bangud talagsa lamang ini magluntad kag luyag niya nga mangin kabahin sang pagbag-o para sa ila barangay kasubong sang mga kaupdanan sini nga mga tigulang.
Nahibaluan nga ginatun-an man sini sang maayo kun sin-o nga mga opisyal nga iya pagabotohon bangud pila sa mga nakaligad nga mga opisyal sa ila barangay ang halos wala nahimo sa serbisyo kag mabudlay suno pa nga palapitan ilabi na sang mga pigado.
Apisar medyo nabudlayan ini nga makalakat, nagboto sa gihapon ini bangud iya ini nga prebilihiyo kag kinamatarong.
