Mahimo nga mangin state witnesses ang mga resource persons sa imbestigasyon sang Justice Department sa extrajudicial killings (EJKs) sa drug war sa idalom sang Duterte administration, kun ang ila mga testimoniya ang kinahanglan agud nga masigurado ang conviction.
Suno kay Justice Undersecretary Jesse Andres, istoryahon sang DOJ ang mga na-involve sa kamatayon sang tatlo ka Chinese individuals nga convicted sa drug charges kag sa pagpatay kay anay Philippine Charity Sweepstakes Office (PCSO) board secretary Wesley Barayuga.
Sang Huwebes, ginrekomendar sang House Quad Committee (QuadComm) ang pagpasaka sang kaso batuk kay anay President Rodrigo Duterte kag ang iban sa mga pagpangpatay sa drug war.
Una na nga ginpahayag ni Andres nga i-consolidate ang committee report kag ang resulta sang imbestigasyon sang EJK task force.
Ginpahayag ni Andres nga ang kaso sa murder, crimes against humanity kag paglapas sa international humanitarian law ang mahimo nga ipasaka sa korte.
Dugang pa niya nga ang mga respondents kag witnesses ang ipaidalom sa hearing.
Samtang, nagpanawagan ang Justice official sa mga posible witness nga magpakita.
