KORONADAL CITY – Nagahugpong ang mga pumuluyo kag ang gobyerno sang pungsod Canada agud tigayon nga matapna ang pamahog sang coronavirus.
Ini ang ginpahayag ni Yen Pales Lumangtad, isa ka naturalized Canadian citizen sa Vancouver apang tumandok sang Malungon, Sarangani Province.
Suno kay Lumangtad, makit-an sa nasambit nga pungsod ang hugot nga pagkooperar sang mga tawo kag mga ahensiya sang gobyerno kun sa diin hugot ang mga tikang nga ginapatuman agud malikawan ang pagdamo sang kaso sang covid-19.
Dugang pa sini nga wala man naga-panic ang mga residente apang nagadoble-halong sila bangud mahal suno pa ang magmasakit.
Apesar nga wala sang may ginapatuman nga travel ban, makit-an ang hugot nga pagbantay sang Immigration officials sa sin-oman nga magasulod sa ila pungsod, bisan pa mga Chinese nationals.
Nagapakig-angot man ang Canada sa iban nga mga pungsod agud masabat ang nasambit nga problema.
Ginpasiguro man sini sa iya mga himata nga yara sa maayo sila nga kahimtangan bangud ginahimo sang kada isa ang iya responsibilidad agud malikawan ang nasambit nga paglapta sang coronavirus.
Nahibaloan nga 15 na ang napagkit nga kaso sa Canada kung saan apat na ang napagkit nga nag-ayo.
