Ginakwestiyon sa subong sang pila ka mga residente ang pagpaguwa sang Resolution of no Objection nga ginpaguwa sang Barangay Zone 3 pinaagi kay Punong Barangay Victor Enrique Malinao may kaangtanan sa ginpatukod nga gasolinahan Purok St. Gabriel, Barangay Zone 3 sa syudad sang Koronadal sa diin ginarekalmo sang mga residente bangud naman indi maayo nga ituga sini sa ikaayo sang mga residente.
Sa interview sang Bombo Radyo Koronadal kay Ma. Glenda Aguirre ang Purok Chairwoman sang St. Gabriel Barangay Zone 3, Koronadal, ginpahayag sini nga natingala man sila nga kulukasubong nga wala sila napahibalo sang mga nagakalanabo nga pagproseso sang pagpatukod sang gasolinahan sa nasambit nga lugar bangud wala man sang consultation nga ginhiwat agud nga ipatawag sila nga mga residente kag istoryahan ang tanan nga issue sang pagpamalabag sang mga residente sa pagpatukod sini.
Dugang pa ni Aguirre, isa man ka palamangkutanon sa ila sa subong kun ngaa may ara na sang Resolution of no Objection nga ginpaguwa ang barangay nga wala man sang dialogue ang mga partido nga imbolbado sa diin wala man ginpatawag man ang apektado nga mga residente.
