Mga residente sa duha ka barangay nga apektado sang hard lockdown sa siyudad sang Koronadal, ginareklamo ang Naguba nga mga foodpacks nga ginhatag sa ila.

KORONADAL CITY – Ginpakigbahin ni Darwin “Dotdot” Suela ang purok president sang Prk. Malipayon sang brgy. Sto Niño may kaangtanan sa reklamo suno pa sang pila ka mga pumuluyo may kaangtanan sa gin-pangdistribwer nga ayuda halin sa provincial government kon sa diin may mga bugas nga indi na mapuslan kag mga noodles nga naguba na.
Suno kay Suela nga bangud sa nagadali sila nga mapanagtag sa mga residente nga apektado sang lockdown ang food packs wala na nila natsekyar pa ang kondisyon sini.
Nagpangabay na lang ini sa nakabaton sang kasubong nga food packs nga ibalik na lang agud nga mapangitaan sang pamaagi agud nga maislan.